BOHASHANA: Moparamente oa Bobatsi o kentse ts’isinyo ea ho ba le ts’epo ho Tonakholo ea Lesotho

Thabane, PM

MASERU — Moparamente oa Bobatsi Monghali Sello Mooki o re o kentse ts’isinyo ea ho ba le ts’epo ho Tonakholo ea Lesotho le ‘muso oa hae a tlatsitsoe ke Mokethoa oa ts’oana-Makhulo Monghali Ts’oeu Molise ka Labobeli lena.

Mooki o re o kentse kopo e potlakileng, ‘me o se a tla lebella hore na ofisi ea Motsamaisi oa lipuisano ka paramenteng o e utloa joang.

Litaba ka botlalo li tla latela hang hoba motsamaisi oa lipuisano ka Paramenteng a nke qeto ts’its’inyong ena. Staff reporter 

Koloi ea ma-DC e oele ka Sontaha

Mokhethoa oa ’Maliepetsane o re moifo oa bakhethoa ba Potoana, ba Mafeteng, ba etetse Ribaneng ka Laboraro lena, ka sepheo sa ho ea khothatsa litho tsa mokha oo, tse ileng tsa hlaheloa ke kotsi ea koloi, Ribaneng, Ha-Thakabanna, ha li ne li lokela ho tla sebokeng, Ha-Foso ka Labosupa le fetileng, tsa hloloa ho finyella.

Monghali Maimane Maphathe, o re sena se latela hore bese e neng e se e palamisitse litho tsa DC tse mashome a mane, e hlolehe mariki le likere, eare ha e lokela ho tsubella selomong, moqhobi oa eona, a e loantša ho fihlela e oela ka lehlakore, ’me batho ba pholoha. Hlephe