Boemeli ba linaha bo thoholetsa phetoho ea ’muso oa Lesotho.

european-union

MASERU — Boemeli ba Amerika, Juropo le Afrika Boroa, bo tsoile ka polelo e thoholetsoang ho heleha ha ’Muso oa Lesotho o neng o etelletsoepele ke Lephele, ka le reng phetoho eo, e sebelitsoe ka khotso ke maparamente a naha ena.

Polelong eo, baemeli ba linaha tse tharo ba khothaletsa batsamaisi ba bacha ba ’muso oa Motlotlehi ho ela hloko Tlhophobocha ea melao ea naha ena, le toantšo ea COVID-19.

Polelo e tsoileng ka Laboraro lena, e tsoa hoja ho e-na le mafosisa a reng matona a ntseng a tšoere molepo, a se a amohiloe bolebeli ba sesole, ha tonakholo e lutseng ka se le seng eona e setse ka koloi e le ’ngoe le masole a seng makaenyana.

Monghali Relebohile Moyeye oa Ofisi ea Tonakholo le Col. Mashili Mashili oa Sesole sa Lesotho, ba itse ha ba na leseli la taba ena, ha ba botsoa ke Lehakoe la Litaba, thapameng ea Laboraro lena.