’Muso oa joale o kalosong ea Dr. Motsoahae Thabane

ERhxaUPVUAEsCc5

Ramolao e Moholo oa ’Muso, o re phetoho ea ’muso e etsahetseng ka har’a Paramente ea Lesotho, ke taba e ncha nalaneng ea lipolotiki tsa Lesotho, hobane o tlang ho kena, ha oa khethoa ka ho isa sechaba likhethong.

 Monghali Haee Phoofolo, o re ho teng ke hore puso e teng, e ntse e alositsoe ke tonakholo Dr. Motsoahae Thabane, le matona, le hoja bao kaofela, ba se ba se na matla a ho etsa liqeto tse kholo.

 O re ho se ho emetsoe hore tonakholo e itokolle pusong ka ho tsebisa Motlotlehi, ho nto latela matona, ebe moo eena Motlotlehi a tlang ho laela Dr. Motsoahae Thabane ho tšoara ho fihlela ho hlomamisitsoe ’muso o mocha.

 Ka baka lena, sechaba se tle se seke sa makala ha se bona bao e neng e le matona pusong ea 4×4, ba ntse ba tsamaea ka likoloi tsa ’muso, hoba ba tla li theoha hang ha Dr. Thabane a se a itokollotse.