Mosali o utsoetsoa Oelese malaeneng, ’Maletlapana Leribe

Radio and remote

Mosali oa Ha-Chonapase, Leribe, ea hirileng ’Maletlapana Ha-Nyenye, hona seterekeng seo, o re o nyameletsoe ke Oelese le rimoutu ea eona ka tlung mafelong a beke e fetileng, nakong ee a neng a chaketse sebakeng se seng.

Nthabiseng Nyelimane, o re o ne a ile a bolella mohlokomeli oa malaene ao a lulang ho oona hore o ea leetong la matsatsana a ’maloa, a sa bolela lee a tla khutla ka lona, empa ka Sontaha ha a fihla a fumana a utsoelitsoe.

O re maemong ao, o ile a botsa mohlokomeli oa malaene na ho kenoe joang ka tlung, ha ho utsuoe empa ho sa qheketsoa, eo a re ha a tsebe letho, ’me a lokela ho tlalehela sepolesa sa Maputsoe.

Boemong bona mohlokomeli oa malaene, Ms. Keketso Matlanyane, o re o lumela hore ha e ne e ba ho sebelisitsoe moqala monyako, a ka be a utloile, ntle ho moo, molli o na le tloaelo ea ho se itlalehe ha a khutlile, joale ha hoaka ha tsebahala ha phoso e se e le teng.