Lekhotla la Maipiletso le simollotse tulo.

Court of Appeal Lesotho

Lekhotla la Maipiletso la naha ena le simollotse tulo ea lona ea pele ea monongoaha ka Labobeli la beke ena, moo le tlang ho mamela linyeoe tse mashome a mabeli a metso e mene tse ka pele ho lona.

Mookameli oa lona Kananelo Mosito KC, o lemositse bohle hore tulo ke ea pele ea mofuta oa eona e tsamaisoang ka setšoantšo sa marang-rang, ho se baahloli ka lekhotleng le bulehileng, empa ba mametse linyeoe ka marang-rang a setšoantšo ba le linaheng tsa habo bona.

 Moahloli Mosito o itse ke mokhoa o mocha oa tšebetso oa ho fokotsa sekhahla sa ho ata ha seoa sa COVID19. Lekhotla le bopiloe ka Baahloli Kananelo Mosito KC, Moses Chinhengo oa Zimbabwe, Petrus Damaseb oa Namibia, Tafuma Mtshiya oa Zimbabwe le Van Der Westheisn oa Afrika Boroa.