Mahokela a tšoara banna ba tsekisanang Likuena, Mokhotlong

Morena oa Liphakoeng Ha-Abisalome Letsie, Mokhotlong, o re mahokela a habo a ile a qhautsa banna ba tšeletseng, ba loanneng ka har’a motse oo, bosiung ba Sontaha se fetileng, ba tseka banana ba Likuena.

Morena Abisalome Letsie, o re banana bao, ba ne ba latoe toropong ea Mokhotlong ke mobusuoa oa hae, ka sepheo sa ho nyolla khoebo ea hae ea mothamahane, joale ba se ba tsekoa.

 O re ntoeng eo ho ile ha pshatleha lifensetere tsa mong’a khoebo, le hore motho a le mong o ile a lemala ka mor’a ho batoa ka lejoe, ’me sepolesa sa Mokhotlong se ile sa tsebisoa ka litaba tsena.