Mohlankana o khakhatheloa motsoalla’e ea belaelloang polaong ea motho, Tšenola, Maseru.

Mosali oa Tšenola, Ha-Moeketsi Mothobi, Maseru, o re bahlankana ba motse oo, ba khakhathile mora oa hae hampe ka Labohlano lena, ba mo tsekisa hore o atisa ho tsamaea le ’melaelloa oa polao ea motho sebakeng sa Ha-Makara, nakong e fetileng.

’Maretšepile Khosi, o re mora oa hae o ne a ile a fihla lapeng a ntse a lelekisoa ke batho ba boletsoeng, ba se ba bile ba mo khakhathile, ba mo tlohela kamora hore a ikoalle katlung bosiung boo, empa ka le hlahlamang ba boela ba mo lata hape.

O re le ho ja bahlankana bao ba ne ba se ba le bangata ho feta pele, ba bile ba ne ba se ba nkile libetsa, o ile a ’na a atleha ho phonyoha hape, ’me taba ena ea hlabeloa mokhosi, bao ba ikela.