Basotho ba 300 ba tsoang Cape Town, Afrika Boroa, ba bolokiloe lebaleng la Leshoboro Mafeteng.

EXatngCXQAAe8X9

Basotho ba makholo a mararo ba tsoang Motse-Kapa Afrika-Boroa, ba se ba fihlile ka har’a naha, moo ba tlang ho bolokoa libakeng tse khethehileng bakeng sa matsatsi a leshome le metso e mene, e le karolo ea ho bona hore na ba na le Covid-19 kapa Che.

Ea buileng lebitsong la bona, monghali Teboho Morake, o itse ho fihleng ha bona lelibohong la Fanroi, ba ile ba hlahlojoa tsohle, ’me ba lumelloa ho kena Lesotho, moo ba ileng ba fetisetsoa lebaleng la bolo la Leshoboro, Mafeteng, ka le reng ba tla isoa libakeng tse boletsoeng.

 Boemong bona, Morena Thesele ’Maseribane e le Molula-setulo oa Command Centre, a bua nakong ea Hora ea litaba ea Labone lena, o itse litaba tseo li se li fihlile litsebeng tsa hae, ’me matona a se a bile a potlaketse Mafeteng, ho ea lekola maemo.