Baahi ba ‘Moteng ba leboha mohoebi ea ba fileng korosari.

E mong oa baahi ba ’Moteng Ha-Naka-Naka, Botha-Bothe, o re o leboha mohoebi ea ba fileng korosari ka Labone lena, nakong ena ee moruo o putlameng ka lebaka la Covid 19.

’Mamahlako Moiketsi, o re ba leboha see ba se etselitsoeng, hobane ho ne ho se ho le boima ka malapeng, kaha ba neng ba ntse ba beha bohobe tafoleng, ba se ba hloleha ka lebaka la khefu-khekhene e ileng ea ba lulisa malapeng.

 Mohoebi ee ho buuoang ka eena, ’Mapalesa Thulo, o re o thabetse ho thusa malapa a lekholo le mashome a mahlano, a fumaneng lijo, molemong oa hore a tle a bebofalloe ke bophelo, nakong ena.