‘Muso o patlong ea libaka tse ka bolokang babelaelloa ba COVID-19

Joang Molapo
Minister of Tourism, Joang Molapo, MP.

Letona la Bohahlauli, monghali Joang Molapo, le re ’muso o kopa beng ba libaka tse ka sebelisoang ho boloka babelaelloa ba Covid-19, ka litefello tse bobebe, ho sa natsoe hore na ’muso o ntse o ba kolota kapa che.

Tsena o li buile sebokeng sa bafuputsi ba litaba, moo a neng a araba potso e reng na, ke ka tsela efe ’muso o ka lebellang likhoebo tse kolotoang ke oona ho o thusa litabeng tsena, ke moo a itseng likhoebo tsohle li tlamehile ho etsa joalo, ’me tse ka lekang ho hana, ’muso o tla li sotha letsoho, ’me makhotla a tla ema le ’muso tabeng eo.