Tona-kholo e re likereke, likolo, likhoebo le mesebetsi e meholo ea sechaba li tla buloa.

Thabane, PM
Lesotho Prime Minister Dr Motsoahae Thomas Thabane

’Muso oa Lesotho o phatlalalitse ka Labobeli lena hore likhoebo li tla buloa tlas’a lipehelo tsa melaoana ea thibelo le taolo ea COVID 19, har’a tsona ke likereke, likolo tsa thuto e phahameng, ho latetsoe lipehelo tsa Lekala la Thuto le la Bophelo ha tsa mekhahlelo e meng, e tla ba feela sehlopha sa bosupa, foromo ea boraro le ea bohlano.

Tonakholo Thomas Motsoahae Thabane, o itse bosebeletsi ba sechaba bo tla tsoelapele ka tšebetso ka mekhahlelo e fapakaneng, A re muso o entse qeto ea hore motho e mong le e mong, a ikoahele molomo le linko,’me o se a laetse litsi tsa tšireletso ho beha taba eo leihlo, a re Lekala la bophelo le tla qala ho etsa tlhatlhobo.

O phethetse ka ho fetisetsa liteboho tse se nang moeli ho Ramaseli ea ntseng a bolokile Basotho ho fihlela lena, kaha ha se le ea mong ea nang le COVID19.