Moetellipele oa bohanyetsi o re ke nako ea ’muso hore o phethahatse litsépiso tsa oona sechabeng.

Democratic Congress Leader Mathibeli Mokhothu
Democratic Congress Leader, Mr. Mathibeli Mokhothu

Moetellipele oa bohanyetsi, o re ke nako ea hore ’muso o phethahatse litšepiso tsa oona holim’a mekhahlelo eohle ea sechaba, e le ho se bebofaletsa bophelo, lintlheng tse fapakaneng.

Monghali Mathibeli Mokhothu, a bua nakong ea Hora ea Litaba ea Labobeli lena, a ipapisitse le polelo ea tonakholo, o itse, har’a tse ling, likhoebo li buloe, li se fuoe nako e khutšoanyane ea tšebetso.

 O bile a etsa mohlala ka hore bonyane likhoebo li buloe ho tloha ka hora ea bosupa hoseng, ho fihlela horeng ea leshome bosiu, ’me boemong boo, sepolesa se fane ka tšreletso nakong ea tšebetso ea tsona.