Motsamaisi oa Lipuisano ka paramenteng, o leleka moetellipele oa eona

DC-Deputy-Leader-Monyane-Moleleki
Moetapele oa ntlo ea Bakhethoa, Hon. Monyane Moleleki, MO

Moetellipele oa ntlo ea Bakhethoa, ebile e le motlatsi oa tona-kholo, monghali Monyane Moleleki, o ile a lelekoa ke motsamaisi oa lipuisano monghali Sephiri Motanyane, ka ntlong eo, ka le reng ha a itlaleha haa tsamaea le hore o bile Afrika-Boroa moo Covid 19 e hlasetseng haholo.

Sena se latela hore mokhethoa oa Malingoaneng, monghali Serialong Qoo, a eme ka ntlha ea tsamaiso hore moetellipele oa ntlo, ha a na tokelo ea ho ba ka moo, ’moho le matona a mabeli ao a neng a tsamaile le oona, pele matsatsi a leshome le metso e mene a phetheha, ’me o ile a tsoa.

Ha litaba li sa eme joalo, basali ba bane, ba ileng ba itlhalosa e le ba hlahang tikolohong ea Qoaling, Maseru, ba ile ba fumana thuso ea li-ea-ka-maleng ho moetellipele oa bohanyetsi, monghali Mathibeli Mokhothu, ka ’Mantaha oa beke ena.

Sena se tla ka mor’a hore basali bao, ba re ba batla ho ikopanya le motsamaisi oa Ntlo, le Tonakholo e ba tšepisitseng makholo a robeli a Maloti, e le basebetsi ba lifeme, ’me ba se ba bile ba lelekoa malaeneng, ha ka lehlakoreng le leng tlala e ba qeta.