Linaha tse leshome tsa Afrika, li lumellana ho sebelisa pheko ea Madagascar ea Corona Virus.

Babusi ba linaha tse leshome tsa Afrika, ba sa tsoa lumellana hore linaha tseo, li ke li leke pheko ea Covid-19, e hlahisitsoeng ke Madagascar ka methokho ea naha eo, e hlalosoang e e-na le matla a ho phekola lefu lena la seoa.

Tumellano ena, babusi ba Afrika ba neng ba buisana ka thuso ea marang-rang ba ntse ba le linaheng tsa bona, ba e fihletse ba sa natse maikutlo a mokhatlo oa lefatše oa bophelo, o reng ha eso hlahlojoe ho lekana.

Babusi bao ba Afrika, ba bile ba lumellane hore, ho reka pheko eo ho e ’ngoe ea linaha tsa bona, ho tla matlafatsa khoebo le khoebisano e bulehileng, ee e leng khale ba e labalabela. Tanzania e tlalehoa ele e ’ngoe ea linaha tse seng li rekile moriana oo ka bongata bo boholo.