LCCI e re ’muso o phethahatse litšepiso tsa oona ho bahoebi ba naha ena.

Lesotho Chamber Of Commerce And Industry, ka molomo oa monghali Thuso Green, e re ke nako ea hore ’muso, o phethahatse litšepiso tsa oona, tsa ho thusa likhoebo tsa Basotho tse seng li putlamisitsoe ke Khefu-khekhenene ea Covid 19.

 O re LCCI, e re ’muso o bule likhoebo tsa Basotho e le hore bophelo bo tle bo ’ne bo tsoelepele le hore tlokotsi e bakiloeng ke khefu-khekhenene e tle se ke ea baka tšenyo e fetang, ’me beng ba tsona, ba ’ne ba boloke melaoana ea thibelo ea Covid 19.

O re ho feta mona, e ntse e le ho tšehetsa ’muso toantšoang ea lefu lena, LCCI, e se e butse letlole ho e ’ngoe ea libanka tsa naha ena, hore ho ’ne ho akheloe bohashana ka ho lona, bakeng sa ho fana ka thuto ka Covid 19, ho reka lisebelisuoa bakeng tšireletseho, khahlanong le lona.