Monna oa Lekokoaneng o re mapolesa a mo holofalitse.

Holomo-Molibeli
LMPS Commissioner, Holomo Molibeli.

Monna oa Lekokoaneng, Litšiling, Ha-Motlokoa Monanthane, Berea, ea lulang malaeneng, Maputsoe Ha-Nyenye, Leribe, o re o belaela letsoho la hae le robehile, ka mor’a ho tokhotsoa ka tšepe ke mapolesa a Maputsoe, ka Labone lena.

Monghali Rethabile Mopeli, o re o ne a ntse a tsamaea le monna e mong, ha ba tla bitsoa ke mapolesa a ka bang robeli, a ileng a ba botsa moo ba tsoang, empa le pele ba a araba, a kena ho bona ka phafa le tšepe.

O re ka mor’a tseo, mapolesa a ile a ba tlohela, le hoja eena a ikutloa a kula, hobane o se a sitoa ho koboloha thekeng, le letsoho le se le hloloa ho sebetsa, ’me o sitoa ho ea ngakeng kaha a se na chelete.