Chelete ea Covid19 e fella boiketlong ba bahlanka ba Command Centre

Thesele 'Maseribane

Moetellipele oa bohanyetsi, o re ho bonahala chelete ea sechaba, e hopoletsoeng ho sebetsana le litaba tsa Covid 19, e tla fella boiketlong ba bahlanka ba ka bang mashome a supileng, ba khobokaneng Command Centre.

Monghali Mathibeli Mokhothu, o re chelete eo e ka ’na ea fela ho e-so rekoe thepa e tla sebelisoa ho thusa sechaba ntlheng ea Covid19, ho bile ho e-so anetsoe thuto sechabeng ka lefu lena, ka mantsoe a mang, ha ho bonahale boitokisetso ba letho, toantšong ea lona.

O bile a re ho na le pampiri e ntseng e tsamaea ka har’a marang-rang, e bontšang hore kopi ea tee ke Lekholo la Maloti, ha poleiti ea lijo e le makholo a mabeli le mashome a mahlano a maloti, motho ka mong.