Monna o khaoletsoa a beta ntja, Botha-Bothe.

Monna oa Thabana-Mokhele Tlokoeng, Ha-Pontšo Khohleli, Botha-Bothe, o tlalehoa a fumanoe ke ’m’ae a ntse a hora-hora ntja ea moahisane oa lapa la bo, ka Labobeli la beke ena.

Mong’a ntja, ’Mamothae Maolane, o re o kile a fumana monna ka sakeng le hoja ho sa tsebahale hore na o ne a ntse a imenya-menya ka tonki kapa nku, hobane a ne a se a ntse a tena borikhoe.

O re monna ka mor’a ketsahalo eo, o ile a baleha motseng, empa ho khutleng ha hae, a betela ntja ka habo, ’m’ae a bitsoa ke seboko sa eona, ho keneng, a fumana eo a le feela, o bile a baleha hape.