Mokhothu o re polelo ea tona-kholo ha e tsosolose Basotho ba nyahamisitsoeng ke Khefu-khekhenene.

Moetellipele oa Bohanyetsi, monghali Mathibeli Mokhothu, o re puo ea tonakholo ea ka Labobeli la beke ena, e na le likhahello, ha e tsosolose Basotho ba nyahamisitsoeng ke khefu-khekhenene.

O re Tonakholo e ne e lokela ho fana ka tlaleho ea tšebetso, ea tse seng li entsoe ka hara nako ea matsatsi a mashome a mabeli le motso o le mong, thepa ea boitšireletso le eona e anele, e seng e fumanehe lipakeng tsa mafika, joaloka haha joale.

Mokhothu o re maoto a ba ka pusong a boima, ha ba lokela ho bula mamati a lipuisano, ho likanela bothata bona ba Covid 19.

O re ’muso o lokela ho lumella tse ling tsa likhoebo ho sebetsa, ele ho tsosolotsa moruo o seng o ntse o tetema.