Monna oa Kolo, Mafeteng o fumane likhomo tsa hae tse neng li mo nyamelletse

Monghali Phoofolo Thoahlane, oa Kolo Ha Thoahlane, Mafeteng, o re o fumane likhomo tsa hae tsee esaleng li nyamela ka Pherekhong ea Monongoaha, li ne li le polasing ea hae.

Thoahlane o re o li fumane Motimposo Maseru, e ’ngoe ea tsona e se ebile e tsoetse, kamor’a hore a nyenyeletsoe hore a batlele teng.

Monghali Thabang Mafojane, puisanong le Lehakoe la Litaba, o itse likhomo tseo o li rekile ho batho ba neng ba tšoere litokomane tsa tsona, tsee a neng a hopola hore li nepahetse, athe ha ho joalo. Boemong bona, lipatlisiso tsa sepolesa li ntse li tsoela-pele.