Alliance Insurance e ela litho tsa eona hloko.

Alliance Insurance, e re e tla ela hloko litho tsa eona nakong ena ea Khefu-khekhenene ea Covid 19, ho latela mabaka a tlang ho ba sitisa ho lefa li-mpate-sheleng tsa bona.

Ea buileng lebitsong la eona, Ms. Limakatso Mokobocho, o re bohle ba tla hloka matšeliso ka nako ena, ba tla ’ne ba sebeletsoe. Ho feta mona, litho li ka sebelisa mekhoa ea ho lefa ea Mpesa, Ecocash kapa banka.

O re e tla boela e eketsa nako ea hore litho tsa eona li ingolise ho tloha ka letsatsi la pele la Motšehanong, ho isa ho la ho qetela la ea Phupjane, selemong sena, e leng tse tla ba le mabaka a tla beng a li sitisitse ho lefa nakong ea khefu-khekhenene.