Muso oa Afrika Boroa o re o tšoentsoe ke lietsahala tsa naha ea Lesotho

Ramaphosa
@PresidencyZA/Twitter

Letona la likhokahanyo la naha ena Morena Thesele ‘Maseribane o re, moifo oa Afrika Boroa o etelletsoepele Jeff Khadebe le batlatsi ba matona a mabeli ba ‘muso oo, o kene ka har’a naha ka labosupa.

Morena Thesele o re, molaetsa oa bona ke hore o tšoentsoe ke lietsahala, tsa kamor’a kahlolo ea nyeoe ea ho koaloa ha Paramente le ho ema mapatlelong a toropo ea Maseru ha litho tsa Sesole sa Lesotho.

Thesele o re, taba ea bobeli e bile ea litlaleho tsa Basotho baphelang Afrika Boroa ba reng ba khetholloa ha ho fanoa ka lijo nakong ena ea COVID19. O itse moifo oo o tla kopana le mafapha a fapakaneng a puso le mekhatlo e meng.