Lekhotla le laela hore paramente e buloe hang hang.

High Court of Lesotho

Baahloli ba bararo ba Lekhotla la Molao oa Motheo, ba ntsoeleng hore paramente ea naha ena e lokela ho bula hang hang, ntle le phoso, ka le reng e koetsoe ka thoko ho molao.

Lekhotla le neng le bopiloe ka baahloli; Sakoane Sakoane, Moroke Mokhesi le Polo Banyane, le itse nako e ileng ea sebelisoa ke tonakholo, ho eletsa Motlotlehi ka ho koaloa ha lekhotla la Sechaba, khoeling e fetileng, e bile khutšoanyane haholo.

Ho feta moo, lekhotla le itse paramente e koetsoe e le hona e ntseng e sebetsana le likhakanyo tsa lichelete tsa Sechaba, etsoe lona lekhotla la Sechaba, le ne le se le kakatletse tšisinyo ea ho hloka ts’epo ho tonakholo e ntseng e lutse sa maratsoana.

Balli e ne e le Lekhotla la Matoala, Mokhatlo oa Manasi le Lekhotla la Mapotoana. Liakhente tsa balli e ne e le Adv. Chris Lephuthing, Adv. Monaheng Rasekoai, Monghali Koili Ntebele le Adv. Letuka Molati, ha ’muso o ne o emetsoe ke Monghali Qhalehang Letsika le Adv Motia Teele KC.