Compol Molibeli o kopa lekhotla le thibele Tonakholo ho mo leleka ofising ea sepolesa.

Nyeoe eo mookameli oa sepolesa sa Lesotho a qholotsang teko ea tonakholo Thabane, ea ho mo behella ka thoko ho tšebetso ea sepolesa, e tla mameloa ka ’Mantaha oa mafelo a ’Mesa.

Compol Holomo Molibeli o kopa lekhotla le thibele Tonakholo Motsoahae Thabane ho mo leleka ofising ea sepolesa.

Moahloli Semapo Peete ea ntseng a le tšebetsong, o laetse mahlakore a liakhente ka bobeli, ho finyeletsa lipampiri tsa likhang tsa ’ona ka Labone la beke e tlang, lekhotla le itse nyeoe ena ke hona e tlang ho fuoa moahloli.

Molibeli o buelloa ke Adv: Maqakachane, ha baikarabeli ba buelloa ke Attorney Letsika le Adv: Setlojoane