Basotho ba Afrika-Boroa ba ntse ba lokisetsoa mokhoa oa ho tla hae.

Lesego Makgothi gettyimages-1124577527-2048x2048
Lesotho’s Foreign Minister Lesego Makgothi. (Photo by Alexander Shcherbak\TASS via Getty Images)

Letona la litaba tsa Machabeng, le re Basotho ba ntseng ba le ka Afrika-Boroa ba ntse lokisetsoa maoala a hore ba tle ba fumane thuso ba ntse ba le naheng eo joang, ka boemeli ba Lesotho bo Afrika-Boroa, nakong ena ea khefu-khekhenene ea Covid 19.

Puisanong le Lehakoe la Litaba monghali Lesekho Makhothi, o re boemeli ba Lesotho, bo tla tsoa letšolo ho ea moo Basotho ba leng hona teng ho ba tlatsisa lifomo tse tla nolofaletsa naha eo, ho ba thusa habobebe.

O re tabeng ea Basotho ba batlang ho khutlela hae, ba lokela hore ba tle ba bokeletsoe nqa e le ’ngoe, moo ba tla lula matsatsi a leshome le metso e mene, ’me ha a fihla hae, ba tla boela ba koalloa moo ba leng bang, sepheo e le ho tseba ka botlalo hore na ha ba na Corona.

O re ho feta moo, ho tla hae ha Basotho ba sebetsang Afrika-Boroa, ba tla thatafalloa ke ho boela Afrika-Boroa hobane ba tla boela ba latela methati e mangata, e ka ’nang ea ba senyetsa mesebetsi ea phetho. ’Mathabo Chobokoane