Libanka tsa Lesotho li kenya lehetla pharalatsong ea molaetsa oa Covid-19

Central Bank of Lesotho
Central Bank of Lesotho

MASERU — Libanka tsa Lesotho li kene selekaneng sa ho thusa ’muso oa Lesotho ho pharalatsa le ho anetsa molaetsa oa seoa sa Covid-19 molemong oa sechaba sohle se ka tsebang ho o amohela ka se-ea-le-moea.

Komitjana e ntseng e sebetsa taba ena, e bopiloe ka monghali Ephraim Moremoholo oa Banka e kholo ea Lesotho le Dr Merga oa Global Fund, monghali Abeloang Ramakhula oa Lekala la Likhokahanyo, lebitsong la ’muso, le morena Sebonomoea Ramainoane, lebitsong la litsi tsa khaso tse ikemetseng.

Litsi tsohle tsa khaso tsa Lesotho, tse nang le thahasello ea ho tseba litaba tsa letsatsi le letsatsi tsa Covid-19, li ka fana ka liaterese tsa tsona tsa e-mail ho abeloangramakhula@gmail.com.

Tlhopho ea komitjana ea khaso le liphatlalatso e lule e fetisa melaetsa e mekhutšoanyane e malebana le toantšo ea seoa sena, ha e fihla ho eona, molemong oa litsi tse ka hlokang ho e sebelisa. Mohlophisi e moholo.