Corona Virus e thisisa mokete oa Potoana oa mafelo a beke

Moetellipele oa Potoana, o re ha litaba tsa Corona Virus li se li ka hloloa ho laoleha ka litsebo tsohle tse ka sebelisoang ho e thibela, sechaba se lokela ho bitsa ho Molimo ho kopa hore a se namolele khahlanong le seoa sena se tsielitseng lefatše.

Sena Monghali Mathibeli Mokhothu, o se buile ’mokeng oa bafuputsi ba litaba o neng o tšoaretsoe ntlokholo ea DC ka Laboraro lena, moo a neng a ilo bua ka ho chechisoa ha mokete o neng o lokela ho ba Semonkong lebatooeng la ’Maletsunyane, mafelong a beke ena.

O re ho chechisoa ha mokete o kopotseng oa letsatsi la tsoalo ea hae le la tsoalo ea Dr Pakalitha Mosisili, ho bakiloe ke hore ho tla ba le tšubuhlellano e matla, ’me e le ho phema seoa sena, komiti ea Potoana e shebaneng le bophelo bo botle, e elelitse hore mokete o emisoe, o se o tla ba khoeling ea Mphalane.

Ho feta moo, o bile a re ha ho bonahale ’muso Lesotho o itlhophetse ho thibela lefu lena ka mekhoa eohle, hoba sechaba ka mekhahlelo e fapakaneng ea sona, ha se na lisebelisuoa tse ka se nolofaletsang bohloeki haholo ba matsoho le ba thepa ee se e sebelisang kamehla.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.