Mosebeletsi oa banka e kholo ea Eswatini o tlalehoa e-na le matšoao a Corona Virus

Corona

Banka e Kholo ea Lesotho, e ntšitse polelo e reng e fumane molaetsa ka la leshome le metso e mene khoeling ena, o tsoang ho mphato oa eona, banka e kholo ea Eswatini, hore mosebeletsi oa eona, o na le tšoaetso ea Corona Virus.

Banka e kholo e re e se e ntse e sebetsa le makala a amehang a ’muso ho beha taba ena leihlo, ’me e bile e re basebetsi ba eona ba bileng le kopano le lehlatsipa leo, ha ba e-so bontše matšoao a letho a lefu lena.

Hape e re e se e ntse e etsa mekutu ea ho etsa litlhahlobo tse pharaletseng ho basebeletsi bao ba eona, ho feta moo, e se e nkile khato ea hore basebeletsi ba bileng le eo, ba ipoloke bakeng sa matsatsi a mang a supileng.