Lekhotla la ’Maseterata le chechisetsa nyeoe ea Dr. ’Maesaea Thabane, khoeling e tlang

Maesaeah Thabane

Nyeoe eo Dr ’Maesaea Thabane a qosoang ka polao ea Lipolelo Thabane le teko ea polao ea Thato Sibolla, e remantetsoe letsatsing la leshome le metso e mene la ’Mesa, kamor’a hore Mochochisi a bolelle lekhotla hore ho sa emetsoe ho tšoaroa ha babelalloa ba bane ba lulang Afrika Boroa, ba tlang ho hokahanngoa le moqosuoa oa pele.

Akhente ea Moqosuoa e boleletse lekhotla hore e-bang letsatsi leo le ka fihla ho ntse ho se motho ea tšoeroeng, e tla etsa khang ea hore nyeoe eo e qhaloe.

Advocate Rethabile Setlojoane o itse o makalletse ha bochochisi bo ile ba otlanya thupa le lefatše hore bo na le bopaki bo toma, joale ele bona bo leng lesisitheho ho tšoara bao. ’Maseterata ke Thamae Thamae mochochisi ke Sekoati. Tlaleho ka Relebohile Lengau