Maliboho a robong lipakeng tsa Lesotho le Afrika Boroa a koetsoe ka lebaka la Corona Virus.

Maliboho a robong lipakeng tsa Lesotho le Afrika Boroa, a tlalehiloe a se a koetse ka lebaka la seoa sa lefu la Corona Virus.

crossing-the-border-from

Ho sa le joalo, Molula-setulo oa Mokhotlong KZN Taxi Association, o re ba tsietsing ea hore baqhobi ba bang ba mokhatlo oo, ba koalletsoe lelibohong la Sani Pass, ka mor’a hore ho bolelloe bookameli ba lona hore le koaloe hang hang ka baka la Corona Virus, ka ’Mantaha oa beke ena.

Monghali Masaballa Matoetoe, o re ho koaloa ha leliboho leo, o ho boleletsoe ke mookameli oa lona, hore sena se etsoa ka mor’a hore poresidente ea Afrika Boroa, Cyril Ramaphosa, e phatlalatse hore naha ea habo, e ikelelitse hore e thibele tšoaetso tse ncha tsa Corona Virus.

Monghali Matoetoe a bua Nyakafataneng ka Lapele lena, o itse sena se tlil’o ama bophelo le khoebo ea bona haholo, kaha joale ba tla lokela ho paka likoloi, ba emise mosebetsi, ka hoo, ba palletsoe ke seo ba tla lokela ho se etsa e le ho iphelisa.