Basotho ba eletsoa ho ipaballa khahlanong le CoronaVirus

coronavirus

Lekala la Bophelo le elelitse Basotho ho itlhokomela khahlanong la seoa sa CoronaVirus, lefu le hlalosoang e le mofuta o mong oa sefuba, le se le bolaile batho ba fetang likete tse hlano lefatšeng ka bophara, ho latela Mokhatlo oa Lefatše oa Bophelo (WHO).

Covid-19 ka moo le bitsoang ka teng, ke lefu le fumanoang ka ho tšoara eng kapa eng moo kokoana-hloko ena e ka lulang teng. Le iponahatsa ka kamor’a matsatsi a mararo kapa a leshome le metso e mene, ho latela boemo ba bophelo ba motho.

A bua Pusong ea Sechaba ka Sechaba, ka Labotšelela la beke ena Ms. Lisemelo Zak’hiea, setho sa sehlopha sa litsebi tse alositseng boemo ba litaba tse amanang lefu lena, ho tsoa Lekaleng la Bophelo, o itse lefu lena ha le e-so be teng ka har’a naha.

E le ho thibela ho kena ha lona ka har’a naha, o itse Basotho ba latele methati e latelang: ba hlape matsoho khafetsa, ba se itšoare lifahleho kapa ho tšoarana ka matsoho, ba nene ho ea libakeng tse batho ba bangata, ba be ba ikoahele linko le melomo ka limask. Mokholoane Ramainoane