Bo-ramakoloi ba hula boipelaetso

Boipelaetso ba bo-ramakoloi a baeti ba ho hula matsoho a bona tšebetsong, bo bileng ka Labobeli bekeng ena, bo hlalositsoe ke molula-setulo oa MRTO, ba bo fanyehile ka Laboraro lena.

Monghali Mokete Jonase, o re ho fanyehoa ha boipelaetso boo, ke ho neha mafapha le makala a amehang ho phethisa boitlamo ba oona, boo a bo etselitseng beng ba beng ba makoloi, ho sebetsa sello sa bona.

O re tabeng ea makoloi a se nang mangolo, ao ho utloahalang tse ling tsa litho tsa sesole li na le oona, molaoli oa sesole o itse ke phoso e kholo hore masole a kene khabong eo le oona, ’me o tlilo e sebetsa.

Monghali Jonase o re ha mafapha le makala ao a keke a sebetsa litaba tseo bekeng eona ee, ba tla boela ba fanyolla boipelaetso ba bona ka matla a maholo, bekeng e tlang.