Mafokisi a ts’oara babelaelloa ba bosholu ba libeteri tsa litora tsa ETL le VCL

Mafokisi a Lesotho a tšoere babelaelloa ba bosholu ba libeteri tsa litora tsa ETL le VCL, ’moho le mong’a sebaka sa thekiso ea litšepe tsa khale, ea tšoarelletsoeng le basebetsi ba hae, ka Labobeli lena. Sebaka seo, ke sa Lithabaneng Ha-Kepi, Teyateyaneng ea bana ba Masupha.

Mrs Puleng ’Mathabo Masoabi, PRO ea ETL o re tšenyo ena ke ea nako e telele, ho tloha ngoahola, ’me babelaelloa ba hlahisoa kapel’a ’maseterata oa Leribe, Hlotse la Laboraro lena, ’moho le meqeqeko ea thepa e fumanoeng ho babelaelloa.

Mohloli o kahar’a sepolesa, o re ba ile ba latela monyenyetsi o neng o hlaha mokhosingoa MOAFRIKA ka Labohlano la beke e fetileng, ’me ba fumana mahokela a Maloaneng Ha Seetsa a se a entse mosebetsi o mongata, mapolesa a be a se a qetela feela.