Bamameli ba Nyakafatane ba re Basi a se bapalle MoAfrika Fm

Mosali oa Semonkong Hloahloeng Ha-Sealuma, ea lulang Tšenola Ha-Moeketsi Mothobi, Maseru, o re mora oa hae ee a neng a ile a tlalehela Lehakoe la Litaba hore o nyametse, o fihlile hae ka ’Mantaha ona.

’Malimakatso Mohapi, o re see mora Basi Sidwell Mohapi a ’moleletseng sona ke hore mapolesa a ile a mo tšoara ka Sontaha, a ba a mo lokolla bosiung ba letsatsi leo, ha a tloha teng a leba ha moamani le eena.

Le ha ho le joalo Nyakafataneng ea Labobeli lena ea ipitsitseng khaitseli ea Basi o ne a bua litaba tse neng li sa kopane, ha mohala oa lehlatsipa ona o ile oa arajoa ke ea ipoletseng e le kharebe ea Basi, ‘me motsamaisi oa lenaneo a hloloa ho bua le Basi. Bamameliba Nyakafatane ba khalemetse Basi hore a se ke a bapalla MoAfrika Fm