Mookameli oa TRC o re ba tla kopana ho buisana ka puo ea lichelete

Mookameli oa TRC o re ba tla kopana le mafapha a fapakaneng a sechaba, ho hlahloba le ho ts’ohla polelo ea letona la lichelete e neng e lelekela likhakanyo tsa lichelete tsa monongoaha le isao.

A bua ho Hora ea Litaba ea MOAFRIKA ka Laboraro lena, monghali Tsikoane Peshoane o bile a re ba khotsofetse ha lengolo la bona le ile la balloa paramente, kamor’a ts’isinyo ea moetellipele oa bohanyetsi, ee a mo lebohang haholo ka ho etsa joalo, hoja motsamaisi oa paramente a ne a sebelisitse maqiti a monnamoholo ho le thibela.

O bile a re karabo ea motsamaisi oa paremente e fihlile ho eena metsotso e mehlano pele ho hora ea leshome le metso e ’meli, e re ha lena ho ts’ohloa ke paramente ka mabaka a hlalositsoeng karabong eo e sa amoheleng. O re TRC e ntse e lebelletse hore lengolo leno le tla balloa litho, li tsebe ho etsa liqeto holim’a likateng tsa lona.