Kahlolo ea nyeoe ea mookameli oa sepolesa e behetsoe bekeng e tlang, letsatsing le sa boleloang

Kahlolo ea nyeoe ea mookameli oa sepolesa sa Lesotho, moo a kopang lekhotla hore le tšoare tonakholo letsoho, hore e se ke ea mo leleka mosebetsing e tla fanoa boleleleng ba beke e tlang, ka letsatsi le sa boleloang.

Tsena, kamor’a hore moahloli Molefi Makara a mamele likhang tsa liakhente ka mahlakoreng a mabeli ka Labobeli la beke ena, ho tloha ha liotloana li simolla ho theha meriti, ho ea kena ha likhomo li oroha naheng, li shebisa manaka hae.

Monghali Holomo Molibeli o buelloa ke Adv Maqakachane oa Maseru, ha mofapa-hlooho o emetsoe ke akhente ea Afrika Boroa,Adv Cronje.