Ngoanana oa Nairobi Kenya o re o sebelisa mesangoana e sebelisitsoeng ke ba bang

Tlaleho e hlahang Al Jazeera e re ngoanana oa Nairobi Kenya, o re ka baka la bohloki o hloloa ho reka mesangoana ea basali le banana, ee ba e sebelisang linakong tsa bona tsa khoeli le khoeli.

Mary Asigi ea lilemo tse leshome le metso e supileng, o re ha a fihleloa ke linako tsa hae, o hloloa ho ea sekolong, ’me o ba morao lithutong, hoba o fetoha setšehisa.

O re ka baka la bohloki o ee a lokele ho sebelisa mesangoana e seng e sebelisitsoe ke ba bang.