Monna o re o lefelletse le liphoofolo tse sieo sekete, Thaba-Tseka

Monna oa Ha-Makunyapane,Thaba-Tseka, Khatala Monaheng, o re o lefelletse liphoofolo tsa hae, tse neng li ile tsa tšoaroa leboelleng ka Labohlano le fetileng,’me batšoari ba tsona ha ba mo neha rasiti, a sa bolelloe mabaka.

agriculture-animals-baby-288621

O re tšoarong ea liphoofolo tsa hae, tse makholo a mabeli le leshome li se li haella ka lipoli tse peli le linku tsa palo eo, hoja a lefile makholo a supileng a Maloti bakeng sa tsona kaofela.

Morena Sekau Ntsokoane, o re ke ’nete hore beng ba liphoofolo ba bangata ha ba fumana lirasiti tsa bona hobane buka ea tsona e felile, empa hang ha e fihla, ba tla li nehoa, ka baka lena, molli a theole moea.

Ho feta mona haeba batho ba Ha-Makunyapane, ha ba sa khotsofala, ba mpe ba potlakele khotla, le teng, o ntse a butse lemati la lipuisano hore ho lokisoe litaba.