Leqhekoana le abeloa molamu oa ho qetela ke MoAfrika, oo e neng e o filoe ke SR

Nkhono oa White Hill Ha Sehapa, Qachaseneke o filoe molamu oa ho qetela o mosoeu ke MOAFRIKA ka ’Mantaha oa beke ena. Lengolo le mo kopetseng molamu ona, le re o selemong sa bohlano a lahlehetsoe ke pono.

Morena Matlere Thamae, o re pono ea nkhono ’Malethole Thamae, e ne e theoha butle-butle, ho fihlela e mo nyamella, joale a hloka mokhoa oa ho ithekela molamu o mosoeu ke bofutsana.

Ona ke molamu oa ho qetela ho e mehlano e neng e fuoe Moafrika Fm ke Kanana ea Basotho SR, hore e fue batho ba nang le bokooa ba pono, feela ba se na matla a ho ithekela eona.