Mosali oa Ha-Mojakisane Mokhotlong, o re o etsoe ka liphalana ke banna ba bararo ba itseng ba sebetsa lefapheng la libukana tsa ho eta, Maseru, ka le reng ba tla mo etsetsa bukana ea ho eta, ’me ba tla mo fa eona ka mor’a metsotso e seng mekae, ka Labone lena.

’Makopano Sepoqoane, o re o ne a ile litšebeletsong ho ea fetoleloa bukana, empa a sa le moo ha fihla banna ba boletsoeng, ba re a ba nehe makholo a mararo le mashome a mahlano a Maloti hore a tle a fumane bukana eo hang-hang, a e ntša.

O re o ile a tsamaea tsatsing leo, ka le hlahlamang, a boela teng, empa a se ke a ba fumana, a mpa a letsetsoa ke emong oa bona a re a late bukana setopong sa likoloi tsa Mokhotlong, eaba ke ho nyamela ha bona.

Leha ho le joalo, Lehakoe la litaba puisanong le ee ho lluoang ka eena, monghali Masupha Marake o itse eena ha tsebe letho ka litaba tsena, hobane ha a sebetse libukaneng tsa ho eta.