Tona-kholo e phatlalatsa tsa boitokollo ba eona tšebetsong ea Motlotlehi

Dr. Thomas Thabane

Tonakholo ea Lesotho Dr. Motsoahae Thomas Thabane e re e fihletse qeto ea ho beha meja fatše bosebeletsing ba Motlotlehi, ’me ho tla latela ho phomola ha eona lipolotiking. Tsena o li buile a le tlung ea hae ea bolulo ea ’muso, ka Labone la beke ena  

Dr. Thabane o re o se a fihletse hore a itokolle botonakholong khoeling ea bosupa selemong sena kapa pele ho moo, ha feela litokiso li phethetsoe tsa ho ea phomolong. 

O re ho mo nkile nako e telele ho fihlela qeto ena, hoba ho beha meja fatše tšebetsong, ha se ntho e tloaelehileng, hape hae bonolo, hobane e ka ba le khahlamelo e mpe pusong le botsitsong ba naha, ’me taba ena e hlokolosi e lokela ho tšoaroa hantle.