Bakuli le sechaba sa toropo ea Mafeteng, ba re bophelo ba bona bo tsietsing ke tlhokahalo ea metsi toropong eo, ho ammeng litšebeletso tsa sepetlele ka katloloho.

E mong ea neng a isitse oa hae oa litjepa sepetlele moo, o re mohatsa oa hae ea pepetseng moo ha a e-so hlape ho tloha ka Labohlano le fetileng ho fihlela kajeno.

Ofisiri ea WASCO, puisanong le Mofuputsi oa litaba oa Moafrika, Mafeteng, Tšeliso Thulo, e itse ke hona ba ntseng ba hloekisa litanka tsa bona ka baka leo, metsi a tla khutla hang ha tšebetso e felile.