Baitšokoli ba sebeletsang ho o mong oa meaho ea mabenkele, Maseru, ba ile ba ikopanya ka sepheo sa ho thusa bana ba nang le bokooa ba pono sekolong sa St. Bernadette, Maseru, ka naepene e tla arabela litlhoko tsa bona.

’Makamohelo ’Musi o re ho fihleng ha bona sebakeng seo, ba fumane hore ba phela ka har’a ntlo e nyenyane, ho feta moo le bahlokomeli ba bang ba bona ba lokolotsoe mosebetsing ka baka le tlhokahalo ea naepene.