Phala ea sepolesa sa Lesotho, Supt Mpiti Mopeli, o re ke ’nete seaparo sa sepolesa se nyametse polokelong ea sona, Ha Mabote

Mopeli o re sena se ile sa hlokomeleha nakong ea phano ea sona, e neng e ntse e etsoa ke mofani oa sona ha a fihla polokelong moo. O itse ho nyametse lihempe le marikhoe a mashome a mararo, likepisi tse Mashome a mabeli a metso e robeli le para e le ’ngoe ea lirifi.

O phethetse ka hore o ipiletsa ho bao ebang seaparo seo se matsohong a bona, hore ba se khutlise, kaha ba se nkile ka thoko ho molao.