Maparamente a Potoana a ntse a itlhophela mosebetsi o moholo oa ka har’a lebatooa la Malingoaneng, mafelong a beke ena, ho tloha ka Labohlano, ho rialo mokhethoa oa lona, monghali Serialong Qoo.

O re mosebetsi oo, o thakhotsoe ke moetelliepele oa mokha, ka likopano tsee a bileng le tsona le makala a lebatooa, phuleng ea Matsoku, moo lekhotla la habo le ekelelitsoeng ka litho tse ncha, tse lekholo le mashome a mabeli.

Motaung o re monghali Mathibeli Mokhothu ea neng a lokela ho fetela mabatooeng a Bobatsi le Mokhotlong, o ile a lokela ho theohela ka Maseru, ka mabaka a potlakileng a khaotseng lets’olo la hae ka le hare, empa, o tla boea sekoele hang ho ba a honyeletse mabaka ana a ka Lesotho.