Moshanyana o bolaoa ke koloi ea mohlomphehi, Ha-Motloheloa

AD

Motlatsi oa tona-kholo ea Lesotho o re koloi e neng e tsamaea ka molekane oa hae, e ile ea chahisa moshanyana e monyenyane ka Labohlano lena, Ha-Motloheloa, Maseru.

Monghali Monyane Moleleki h’a ka a nama ka litaba tsena nakong ee a neng a bua le Lehakoe la litaba ka mohala hona letsatsing leo, e le ha le ne le batla ho utloa lehlakore la hae litabeng tsena.

Sena se latela hore sechaba sa Ha-Motloheloa, se koale tsela e haolang kahar’a motse oa sona, ka mor’a hore koloi ee se itseng e ne e tsamaea ka monghali Moleleki, e chahisitse moshanyana ea lilemo li robong, a ba a timella sebakeng sa ketsahalo, setopo sa phuthoa ke sepolesa.

Litaba tsena li hlahelletse lenaneong la Nyakafatane, moo baahi ba neng ba re ba koetse tsela ka le reng ke nako ea hore ’muso o ba arabe kopong ea bona ea nako e telele ea litotomana, ho laola lebelo.