Tlhapantšo ea litho tsa NRA

IMG_20200206_113523

Lekhotla la Tlhopho-bocha le khethile molula-setulo le motlatsi oa hae, tulong ea lona ea pele, ka Labone lena, Paramenteng ea khale Maseru, ba ba ba neoa litokomane tsa molao, tse tlang ho le tataisa, ke letona Habofanoe Lehana.

Molula-setulo ke monghali Pelele Letsoela oa BDNP, o tlatsitsoe ke Ms. Liteboho Kompi oa MEC. Ba khethiloe ka mor’a tlhomamiso ea Lekhotla la Tlhopho-Bocha, le emetsoeng ke mafapha ohle a sechaba.

Sepheo ke ho hlopha molao oa Motheo oa naha ena, ho latela maikutlo Sechaba. Lekhotla lena, le tla sebetsa ka nako ea likhoeli tse leshome le metso e ’meli ho tloha mohla tlhomamiso.

Litho tsena li tla ba koetlisong ea mosebetsi oo o mocha mafelong a beke ena, ka sepheo sa hore li tle li etse mosebetsi o tsoileng matsoho oa tlhopho-bocha.

Lekhotla le tla sebeletsa Paramenteng eo ea khale, ‘me ‘muso ka Letona Habofanoe Lehana, o itlamme ho fana ka botšehetsi boo le tlang ho bo hloka.

Litho li nkile kano ka nako e le ’ngoe, ka lebaka la bongata ba tsona. ‘Maseforo Mahase ACJ a potiloe ke baahloli ba babeli, e bile eena ea tsamaisang tlhomamiso eo. Baahloli ke Justice Mokhesi le Justice Molefi Makara. Tlaleho ka Morena Mokholoane