Ramolao e Moholo o kopa lipuisano le mookameli oa sepolesa

Holomo-Molibeli
LMPS Commissioner, Holomo Molibeli.

MASERU — Lekhotla le Phahameng la Lesotho ka Labone lena, le ananetse kopo ea Ramolao e moholo, ea lipuisano le ’muelli oa Compol Holomo Molibeli, nyeoeng e hlahletsoeng ke Molibeli, a le kopa ho thibela Tonakholo ho mo leleka bookameling ba sepolesa sa Lesotho.

Mahlakore a liakhente ka bobeli, a kopile lekhotla ho a fa monyetla oa lipuisano ka thoko ho lona, tse tla tla ka tumellano lipakeng tsa oona.

Lekhotla ka Moahloli Molefi Makara ,le bolelletse liakhente hore e-bang li hloloa ho lumellana, li tle li ikemiselitse likhang tsa nyeoe ka la leshome le metso e meraro khoeling ena. La re Compol a ’ne a be tšebetsong ho fihlela letsatsi leo ho se tšetiso ea letho.

Lona Lekhotla le Phahameng ka Moahloli Charlse Hungwe, le remantetse nyeoe ea polao ea lepolesa Khetheng ho la mashome a mabeli khoeling ena. Tlaleho ka Relebohile Lengau