Dr ’Maesaea o baletsoe qoso ea polao ea Lipolelo Thabane

Maesaeah Thabane

Mosali oa tonakholo ea Lesotho, o romeletsoe chankaneng ho ea emela nyeoe ea polao ea Mrs Lipolelo Thabane, mosali oa tonakholo Thabane ea ileng a bolaoa ka selemo 2017, matsatsi a mabeli pele ho tlhomamiso ea ’muso oa Lephele.

‘Lengau o re lengolo la qoso le re ’Maesaea ke eena ea ileng a thunya le ho bolaea eo, khalitso ea hae, a ba a leka ho bolaea e mong Thato Sibolla, a mpa a mo ntša likotsi feela.

Moqosuoa haa botsoa hore na o molato kapa che. O mpile a botsoa feela hore na o utloisisa qoso. A re o a e utloisisa.

’Maseterata Nthabisng Moopisa o itse o se a tla khutlela khotla libekeng tse peli ho tloha joale, empa a ka ea ikopela beile ka lekhotleng le phahameng ka ’muelli oa hae.

Litaba tsa ’nileng tsa ipetsa ka marang-rang, malebana le taba ena, li ne li re ’molai e ne e le motho e motona, ea bileng a nkoa ka koloi ke monna e mong a ea mo tšelisetsa ka Afrika Boroa, ka leliboho le kae kae haufi le Hobhouse. Ho tlaleha Relebohile Lengau.