Litho tsa Lekhotla la Tlhophobocha (NRA) li tla nkisoa kano ea tšebetso ka Labone la beke ena

unnamed (2)

MASERU — Litho tsa Lekhotla la Tlhophobocha (NRA) li tla nkisoa kano ea tšebetso ka Labone la beke ena meahong ea khale ea paramente ea Lesotho, li khethe molula-setulo le motlatsi oa NRA li be li nkele Teyateyaneng ho ea rupelloa tšebetso eo.

Mongoli e Moholo oa Molao, monghali Tanki Mothae, o re ka ho hlaka, mosebetsi oa NRA e tla ba ho nyakurela le ho latela methati eohle e tla etsa Basotho hore ba be ntsoe-leng ntlheng ea liphetoho tse lokelang ho etsoa kahar’a molao oa motheo oa Lesotho.

Ho theha kapa ho matlafatsa litsi tse ikemetseng tsa puso, ka tsela e tla etsa hore e be tsa boleng bo phahameng, tse hlomphehang, tse nang le matla a phethehileng. Le ho sebeletsa botsitso, Khotso ea moshoelella, kopano, bonngoe le tšoarelano e sa thekeseng sechabeng sa Basotho.

Tonakholo ea Litotla e tla ba e mong oa ba nkang kano eo ea bohlokoa. Tlaleho ka Mokholoane Ramainoane.